A Cova do Rei Cintolo atópase cerca do lugar de Sopena, na parroquia mindoniense de Argomoso.
Con máis de cinco kilómetros de lonxitude é a cova máis grande de Galicia. Dentro pódense contemplar
fermosas zonas con estalactitas e estalagmitas e un río subterráneo a 40 metros de profundidade.
LENDA:
Fai moitos, moitos anos existía un Rei chamado Cintolo que tiña o seu castelo no lugar de Bría,
na actualidade Mondoñedo.
Este Rei era o pai de Xila, unha fermosa moza pretendida por nobres doutras terras do Norte, pero
no corazón da princesa só había sitio para Uxío, un xoven e bondadoso conde.
Un día chegou á cidade acompañado do seu sequito un vello mago, Manilán, Gran Señor e Rei das terras do Ouro.
As súas tropas acamparon na Praza de Bría e informaron o Rei Cintolo que Manilán viña para casar con Xila
e que no caso de ser rexeitada a súa petición isto sería tomado como unha ofensa persoal e as súas hostes
arrasarían o reino.
Uxío ofreceuse voluntario para salvar á cidade e retou a duelo ao Rei Manilán pero este,
como sabía que no combate levaba todas as de perder contra o xoven conde, recorreu á maxia e axudado por outros
magos invocaron ás forzas do mal.
Un enorme trono fixo tremer toda a terra de Bría, a cidade caeu destruída pola
maxia e o terror apoderouse das xentes e dos animais. Uxío entre a confusión chegou até o Rei Manilán e atravesouno
coa súa espada, pero cando volvía camiño do castelo ollou que ali non había nada, só unha enorme Cova,
entrou nela para buscar á súa amada Xila pero só atopou unhas columnas de pedra e auga correndo polo chan.
Contan que a fermosa princesa algúns días ao amencer senta na entrada da Cova e arranxa os seus cabelos
cun peite de ouro esperando a que algún valente xoven atope a maneira de desencantala desfacendo asi
o feitizo de Manilán.
A COVA DO REI CINTOLO
Publicación realizada polo gran debuxante ribadense Suso Peña no ano 1981
